Alle bygdene i Askvoll har fine turmoglegheiter, og du kan finne turar i både fjord- og fjellandskap, på øyane og langs kysten. Mange av turane er merka og tilrettelagde gjennom lokale initiativ og samarbeid med frivillige.
På UT.no finn du kart, turforslag og informasjon om mange av turane i Askvoll kommune.
Det er ei DNT-hytte i kommunen, Nipebu og ei dagsturhytte ved nyksvatnet. Trykk på lenkene for å finne ut meir om dei.
Stikk UT! og Stolpejakta
Gjennom året kan du delta i ulike turaktivitetar som gjer det enkelt å oppdage nye stader i kommunen.
Stikk UT! tilbyr turmål både i sommar- og vintersesongen, og gir inspirasjon til å bli kjend med nye turområde.
Stolpejakta gir deg høve til å kombinere tur og aktivitet med å finne stolpar rundt om i bygdene.
Både Stikk UT! og Stolpejakta fins fleire stader i kommunen, slik at du kan utforske ulike delar av Askvoll – anten du bur her eller er på besøk.
Kulturvandringsløype
I Askvoll kommune fins det to kulturvandringsløyper som formidlar historie gjennom video- og lydforteljingar. Ved hjelp av mobiltelefonen din laster du ned forteljingane undervegs i løypa. Kvart stoppepunkt er markert med eit lite skilt.
Askvoll sentrum: Ei reise i Anders Askevolds motiv
startpunkt: sentrumshamna i Askvoll sentrum ved Bøparken.
Stongfjorden: Industrihistorisk kulturvandringsløype
startpunkt: Stongfjorden sentrum.
Kulturvandringsløypene er eit tiltak med historiar knytt til ni kulturvandringsløyper i kystkommunane i området.