Her kan du sjå skattelista:
Eigedomsskattelista ligg òg i resepsjonen på rådhuset i Askvoll.
Les meir om eigedomsskatt i Askvoll
Fakturering
Eigedomsskatt vert fakturert saman med andre kommunale avgifter. Årleg eigedomsskatt under kr. 300 vert ikkje fakturert.
Dersom du har samla årlege kommunale avgifter under kr. 1200 på ein eigedom vert dette fakturert i si heilheit ved fyrste fakturering i januar 2025.
Døme: Eigedomsskatt + feiing = kr. 1000 for 2025-> heile beløpet kjem på faktura i februar og du vil ikkje få fleire faktura for 2025.
Fritak for eigedomsskatt 2025
Fritak for eigedomsskatt for bustadhus er endra. Det vert gjeve fritak for nye bustadhus i eit år etter ferdigattest i skatteåret 2025.
Tidlegare er det gjeve fritak for nye bustadhus i 10 år og ein kunne søke om fritak dersom ein renoverte for meir enn 1,5 millionar innanfor 3 år. Begge desse fritaka er årlege fritak som må vedtakast kvart år dersom det skal gjelde., og dei kan dermed endrast kvart år. Dette er fyrste gong det er gjort ei endring i dette vedtaket sidan innføring av eigedomsskatt i 2015.
Det vert framleis gjeve fritak ihht. §7a og §7b i eigedomsskattelova. Dette gjeld eigedomar til ideelle organisasjonar og stiftingar og fritak til historiske bygg, begge er etter liste som er vedteke av kommunestyret. Ein kan søke om fritak for eigedomar som du meiner høyrer til i desse kategoriane men som ikkje har fått fritak.
Søknadsskjema fritak finn du her
Klageadgang
Eigar kan klage på grunnlag for eigedomsskatt kvart år dersom det ikkje har vore klaga på same grunnlag tidlegare år. Dette fylgjer av eigedomsskattelova §19.
Slik kan du sende inn ei eventuell klage:
Skjema for klage på eigedomsskatt
per e-post til eskatt@askvoll.kommune.no
eller per post til Askvoll kommune, eigedomsskattekontoret, Askvollvegen 426A, 6980 Askvoll
Frist for klage for skatteåret 2025 er 17.03.2025.
Dersom du har spørsmål om eller klage på formuesverdi så må du ta kontakt med skatteetaten på telefon 800 80000.
Sjå denne artikkelen for meir info om endring av formuesverdi.