Tilskot til inkludering av barn og unge 2026
Bufdir har no opna for søknader til tilskotsordninga «Tilskot til inkludering av barn og unge» for 2026. Offentlege instansar, frivillige organisasjonar og private aktørar kan søkje om midlar til aktivitetar retta mot barn og unge som av ulike grunnar står i fare for å hamne i utanforskap.
Søknadsfristen er 31. oktober 2025.
Om ordninga
Tilskotsordninga skal bidra til at alle barn og unge får moglegheit til meistring og deltaking i samfunnet. Ho skal støtte tiltak som fremjar inkludering, fellesskap og deltaking.
Ordninga kan gje støtte til tiltak som bidreg til:
- utvikling av opne møteplassar
- deltaking i ferie- og fritidsaktivitetar
- gjennomføring og fullføring av utdanningsløp
Med samfunnsdeltaking blir det meint tilknyting til fritidsaktivitetar, kulturliv, utdanning, organisasjonsliv og arbeidsliv, samt deltaking i demokratiske prosessar.
Målgruppa er barn og unge i alderen 0–24 år som av ulike grunnar står i fare for å hamne i utanforskap.
Kven kan søkje?
- Offentlege instansar
- Frivillige organisasjonar
- Private aktørar
- Kommunen sjølv
Tiltaket må vere knytt til Askvoll kommune.
Frist for å søkje
31. oktober 2025
Prioriteringar for 2026
Bufdir gjer merksam på at nye søknader frå aktørar med pågåande prosjekt ikkje vil bli prioriterte i 2026. Dette er same praksis som tidlegare år.
Søknader frå aktørar som ikkje allereie mottek fleirårig tilskot gjennom ordninga, vil bli prioriterte.
Slik søkjer du
- Les gjennom forskrifta og informasjonen om ordninga på Bufdir sine nettsider.
- Send inn søknad via Bufdir sin søknadsportal for tilskot.
- Frivillige organisasjonar og private aktørar skal bruke søknadsskjema 2.
- Søknaden må knytast til Askvoll kommune (sjå nettsida for eventuelle unntak).
- Det kan søkjast støtte til fleire ulike aktivitetstypar – sjå detaljar på Bufdir sine nettsider.
Gå til Bufdir si side for Tilskot til inkludering av barn og unge
Gå direkte til Bufdir sin søknadsportal
Etter at du har sendt søknaden
Søknader som er sende inn av andre aktørar enn kommunen sjølv blir rangerte av kommunen. I Askvoll kommune er det Ungdomsrådet som gjer vedtak om prioritering av søknadene.
Etter at kommunen har fullført rangeringa, tek Bufdir over og gjennomfører den endelege sakshandsaminga. Bufdir publiserer informasjon om forventa saksbehandlingstid på sine nettsider.
Treng du hjelp?
Ta kontakt med Bufdir: