Stor brannfare

Askvoll kommune har motteke melding frå Statsforvaltaren om at skogbrannfaren vert oppgradert til oransje nivå, for deler av Askvoll kommune.

Det er no tørt i terrenget, noko som gjev høg risiko for gras-, lyng- og skogbrannar. Brannvesenet frårådar difor all bruk av eld i skog, utmark og innmark frå 15. juni. Dette inkluderer tilrettelagde bålplassar, parkar og grøntområde.

Det har vore mange brannar i gras, lyng og skog rundt om i landet den siste tida, og med det vêret vi no har og ser ut til å få framover er det no fare for slike brannar også i Askvoll.

Det er likevel lov å grille i eigen hage.

Som alltid pliktar den enkelte å vise aktsemd ved gjennomføring av aktivitet som kan føre til brann.

Eit eventuelt forbod mot jonsokbål vert gjeve etter vurdering torsdag 22. juni