På fylkesveg 609 mellom Hestvika i Askvoll kommune og Heilevang i Sunnfjord kommune skal det byggjast ny tunell for å skredsikre det utsette partiet forbi Hundsåna. Reguleringsplanen for prosjektet vart vedteken av kommunane i 2022. Ei mindre endring av reguleringsplanen vart vedteken i april 2025.
Sjå detaljregulering for fv. 609 Heilevang i kommunen sitt planregister arealplaner.no
Vestland fylkeskommune har starta namnesak etter stadnamnlova for å fastsette namn på den nye tunellen. Etter stadnamnlova §7 er det fylkeskommunen som vedtek namn og skrivemåte på fylkeskommunale anlegg som tunnelar.
Vestland fylkeskommune tilrår at namnet på den nye tunellen mellom Heilevang og Hestvika vert «Heilevangtunellen»
Innspel
Det er høve til å komme med innspel om tunellnamnet. Frist for å komme med innspel er 10. september 2025.
Slik sender du innspel:
Det er òg høve til å sende innspel til Sunnfjord kommune. Alle innkomne innspel vert handsama samla i begge kommunane.
Vurdering av namn
Tunellen bør ha eit namn som er tilknytta stadnamn ved munningane eller eit fjellparti over tunellen. Det er naturleg å velje eit namn som er lett å kjenne att, og som er kort og lett å lese og hugse. Dersom ei uønska hending eller ein naudsituasjon oppstår i eller i nærleiken av tunellen, vil det på denne måten vere enklare for redningsetatar å oppfatte kvar hendinga har oppstått. Namneskiltet framfor tunnelen skal òg vere lettast mogleg å lese og hugse.
Vestland fylkeskommune tilrår at namnet vert «Heilevangtunellen», etter namnet på bygda ved austre tunellmunning. Eit definert fjellparti like sør for tunell-løpet heiter òg Heilevangsstaurane. Nærområdet vert i daglegtale omtala som Heilevang, og i meldingane som går ut i samband med vegstengingar i området er det stadnamnet Heilevang som er nytta. Fylkeskommunen kan heller ikkje sjå at dette er eit namn som er brukt på andre tunellar i Noreg.
Andre vurderte namn har vore «Hestvik(a)tunellen» (bygda ved innløp vestre tunellmunning) eller «Hundsånatunellen» (elv som renn over det nye tunell-løpet).
Namneprosessen
Askvoll og Sunnfjord kommunar skal samordne innspela som kjem inn. Kommunane skal òg gje sine eigne høyringsuttalar. Etter høyringsperioden sender kommunane alle innspela til Stadnamntenesta (Språkrådet) for uttale. Det er fylkeskommunen som til slutt vedtek namnet på tunellen.
Sjå dokument i saka