Eitt minutts stillheit
På gravferdsdagen vert kong Harald mint med eitt minutts stillheit over heile landet frå kl. 13.00 til kl. 13.01. Stillheita vert innleidd med tre klokkeslag frå alle kyrkjene i landet. Når minuttet er over, markerer tre nye klokkeslag avslutninga på stillheita.
Flagg
Kommunen flaggar på halv stang ved rådhuset fram til HMK Harald V er gravlagt.
Etter gravferda i Oslo domkyrkje vil kista verte frakta til Akershus festning, der det vert halde ei privat minnestund i Akershus slottskyrkje før kong Harald vert gravlagd i Det kongelege mausoleet. Til slutt vert det skote salutt frå Akershus festning. Den nasjonale sørgjeperioden vert avslutta med salutten frå Akershus festning, og flagga skal samstundes heisast til topps att (onsdag 9. september om lag kl. 15.20 til 15.50). Alle flagg som heng på halv stong på offentlege flaggstenger i heile landet, skal då heisast til topps.
Kondolanseprotokoll
I samband med Hans Majestet Kong Harald V sin død legg kommunen ut kondolanseprotokoll på Askvoll rådhus.
Alle som ønsker det er velkomne til å skrive ei siste helsing. Kommunen vil sende kondolanseprotokollen vidare til slottet etter gravferda 09.09.2026.
Rådhuset er ope kvardagar frå 08.00 til 15.00.
Det er og mogleg å signere elektronisk kondolanseprotokoll på www.kongehuset.no
Blomar
For dei som ynskjer er det er høve til å legge ned blomar på amfiet i Bøparken.
Kong Harald V på besøk i Askvoll kommune