I medhald av §12-8 i plan- og bygningslova vert det med dette varsla oppstart av detaljregulering for fv. 5662 Værlandet ferjekai. Føremålet med planarbeidet er å etablere ny ferjekai som skal erstatte eksisterande ferjekai. Dagens ferjekai er utsliten og ikkje tilrettelagt for elektrifisering av ferjer. Ny kai skal kunne nyttast som liggjekai for ferja over natta.
Sjå planområdet (PDF, 567 kB)
Meir detaljar om tiltaket går fram av planinitiativet (PDF, 12 MB), referat frå oppstartmøtet (PDF, 94 kB) og utsendt varselbrev (PDF, 338 kB).
Reguleringsplanen vil ikkje legge til rette for tiltak i vedlegg I, jfr. forskrift om konsekvensutgreiing (KU-forskrifta) §6. Tiltaket med kai og liggjekai går inn under vedlegg II, pkt. 10 e) hamner, jfr. KU-forskrifta §8. Vurdering etter kriteria i KU-forskrifta §10 tilseier at tiltaket kan få vesentlege verknader for miljø og samfunn. Det er potensielle verknader i høve til naturmiljø (kystblåstjerne, skjelsandområde, gyteområde for torsk) og statlege planretningsliner for differensiert forvaltning av strandsona som utløyser dette. Ut frå dette har kommuneadministrasjonen konkludert med at det er trong for utarbeiding av konsekvensutgreiing som del av planarbeidet. Det er ikkje trong for utarbeiding av planprogram.
Vi ber om merknader, innspel eller andre relevante opplysningar seinast 13.07.2025.
Merknader og synspunkt til oppstart av planarbeidet kan sendast
- på e-post til post@vlfk.no
- med brevpost til Vestland fylkeskommune, Askedalen 2, 6963 Leikanger
Brevet/e-posten må merkast med «Saksnr. 2025/1183» eller «Reguleringsplan for fv. 5662 Værlandet ferjekai».
Alle innkomne merknader vert handsama av fylkeskommunen og kommunen i lag.
Ved spørsmål, ta kontakt med planleggingsleiar Stine Unneland på tlf. 41 57 96 56 eller e-post stine.unneland@vlfk.no.
Sjå informasjon om fylkesvegprosjektet på Vestland fylkeskommune sine heimesider
Sjå plansaka i kommunen sitt planregister arealplaner.no
Sjå fleire dokument i saka