Tilskot i jordbruket

Kven kan søkje om produksjonstilskot?

Føretak som driv vanleg jordbruksproduksjon kan søke om produksjonstilskot, t.d. arealtilskot, kulturlandskapstilskot, tilskot til husdyr osv. Føremålet er å bidra til eit aktivt og bærekraftig jordbruk.

Føretaket må vere registrert i Einingsregisteret i Brønnøysund innan søknadsfristen og drive vanleg jordbruksproduksjon på ein eller fleire eigedommar.

Manglande eller mangelfull gjødslingsplan og/eller sprøytejournal kan føre til avkorting av produksjonstilskotet.

Slik søker du

Søknadsskjema: søk om produksjonstilskot via Altinn

Har du spørsmål?

Kikk innom nettsidene til Landbruksdirektoratet, der er det stor sjanse for at du finn svar på spørsmåla dine.

Søknadsfristar, telje- og utbetalingsdato

Søknad om produksjonstilskot og tilskot til avløysing ved ferie har to søknadsfristar i året:

• 15. mars (med teljedato 1. mars)
• 15. oktober (med teljedato 1. oktober)

Tilskota vil bli utbetalt i februar året etter at du har søkt.   

Kven kan søke om tilskot til tiltak i beiteområde?

Lag, foreiningar og føretak som driv næringsmessig beitedrift kan få støtte til investeringstiltak og/eller planleggings- og tilretteleggingsprosjekter i beiteområde. Føremålet med tilskotet er å legge til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda.

Les gjerne dei kommunale tiltaksstrategiane for tilskot til tiltak i beiteområdet før du søkjer - Overordna retningslinjer for perioden 2025 - 2028

Søknadsfrist: 1. mars

Slik søker du

Søk om tilskot til tiltak i beiteområde via Altinn

Har du spørsmål?

Kikk innom nettsidene til Landbruksdirektoratet, der er det stor sjanse for at du finn svar på spørsmåla dine. 

Kven kan søke om SMIL-midlar?

• Føretak som oppfyller vilkåra i forskrift om produksjonstilskot.
• Eigar av landbrukseigedom kan søke, dersom det er ein produksjon på landbrukseigedommen som oppfyller vilkåra i forskrift om produksjonstilskot.
• Dersom eit føretak søkjer om tilskot på leigd landbrukseigedom må det føreligge løyve frå grunneigar.
   

Søknaden skal som eit minimum innehalde

• Omtale av tiltaket
• Framdriftsplan
• Kostnadsoverslag (frå bygningskyndig dersom det gjeld bygning)
• Finansieringsplan
• Kart over driftseininga der det aktuelle tiltaket, kulturminne, erosjonsutsette areal og område med viktige miljøkvalitetar er avmerkt.
• Fotografi og/eller teikningar.
• Løyve frå grunneigar dersom tiltaket skjer på leigd landbrukseigedom.
• Gjødslingsplan og journal over nytta plantevernmidlar.
   

Døme på Smil-tiltak som kan vere aktuelle å støtte:

• Beiterydding på tidlegare kulturmark som no ikkje lenger er ein del av innmarksareala.
• Steinsette/plastre og restaurere open kanal for å hindre erosjon.
• Vedlikehald av gamle steingardar og bakkemurar.
• Restaurering av bevaringsverdige bygg etter antikvariske prinsipp.
• Etablering av dekke for å hindre nedbør i allereie eksisterande gjødselsilo
  Slik søker du

Tiltaksstrategien legg føringar for tildeling av SMIL-midlar.  (PDF, 753 kB)
 

Søk om SMIL-midlar via Altinn

Søknadsfrist

• Søknadsfristen er 1. mars 
•  

Tiltaksstrategien legg føringar for kva SMIL-midlane skal gå til 

Føremålet med SMIL-midlane er å fremme natur- og kulturminneverdiar i kulturlandskapet, og redusere ureining frå jordbruket utanom det ein kan forvente gjennom vanleg jordbruksdrift. Som følge av siste jordbruksavtale kan kommunen også løyve SMIL-midlar til å dekke over eksisterande gjødsellager.
 

Har du spørsmål?

Kikk innom på nettsidene til Landbruksdirektoratet, der er det stor sjanse for at du finn svar på spørsmåla dine. 

Tilskot til drenering skal betre kvaliteten på tidlegare grøfta jordbruksjord for å auke produktiviteten, samt å redusere risiko for erosjon og overflateavrenning til vassdrag. Eigar av, eller føretak som leiger, tidligare grøfta jordbruksareal kan søke.

Søknadsfrist

Du kan søke heile året, det er ingen søknadsfrist. 

Slik søker du 

Søk om tilskot til drenering via Altinn

Har du spørsmål?

Kikk innom nettsidene til Landbruksdirektoratet, der er det stor sjanse for at du finn svar på spørsmåla dine. 

Regionalt miljøprogram skal stimulere til å ta vare på og utvikle det opne og særmerkte kulturlandskapet. Tilskota i miljøprogrammet er til liks med nasjonale produksjonstilskot ei årleg driftsstøtte, til føretak i drift som oppfyller visse vilkår. For å kunne søke må ein ha rett på produksjonstilskot i jordbruket.

Søknadsfrist

• 15. oktober

Slik søker du

Søk om regionalt miljøprogram via Altinn

Har du spørsmål?

Kikk innom nettsidene til Statsforvaltaren i Vestland, der er det stor sjanse for at du finn svar på spørsmåla dine. 

Driftstilskot til organisert beitebruk skal stimulera til samarbeidstiltak for å få til ein effektiv beitebruk som bidreg til å halde kulturlandskapet ope. Driftstilskot kan gjevast til drift av godkjent beitelag som arbeider for felles beitebruk i utmark og redusert tap gjennom organisert tilsyn, sanking og andre fellestiltak.

Søknadsfrist

• 15. november

Slik søker du

Søk om tilskot til organisert beitebruk via Altinn

Har du spørsmål?

Les meir om organisert beitebruk på nettsidene til Statsforvaltaren i Vestland.

Midlar til investering og bedriftsutvikling i landbruket. Tilskot/lån til finansiering i samband med investering innan tradisjonelt landbruk, generasjonsskifte, kjøp av eigedom og tilleggsareal.

Les meir om tilskotsordningane på nettsidene til Innovasjon Norge.

Kven kan søkje om erstatning ved produksjonsvikt?

Jordbruksføretak som har hatt vesentleg produksjonssvikt kan søkje om erstatning. Produksjonssvikten må ha ei klimatisk årsak som det ikkje er mogleg å sikre seg mot. Erstatning føreset at det er godt dokumentert at det er ein klimatisk skade som er årsak til produksjonssvikten. Føretaket må melde tidleg i frå til kommunenen om mogleg produksjonssvikt, slik at kommunen har høve til å kontrollere arealet på eit tidspunkt der klimaskaden kan påvisast.

Slik søkjer du

Søk om erstatning via Altinn 

Søknadsfrist

Søknadsfristen er 31. oktober, og fristen er absolutt. 

Har du spørsmål?

Sjå nettsidene til Landbruksdirektoratet

Du kan og ta kontakt med Johannes Folkestad: johannes.folkestad@askvoll.kommune.no