Praktisk hjelp i heimen

Praktisk bistand er eit tilbod til deg som grunna sjukdom og nedsett helse treng praktisk hjelp for å greie daglege gjeremål i heimen.

Kva kan du få hjelp til?

Heimehjelp kan omfatte reingjering av rom som er i dagleg bruk, skifte av sengetøy, vask av klede i vaskemaskin, innkjøp av matvarer. Klarer du ikkje slike praktiske gjeremål kan du søkje om heimehjelp.

Slik søkjer du:

Du søkjer ved å fylle ut søknadsskjema for helse- og omsorgstenester:

Søk om helse- og omsorgstenester

Papirsøknad helse- og omsorgtenester

Papirsøknaden sender du til:

Askvoll kommune
v/omsorgskontoret
Prestemarka 11
6980 Askvoll

Dersom nokon hjelper deg med å fylle ut søknaden må du fylle ut ei skriftleg fullmakt og legge den ved. (PDF, 28 kB)

Praktisk bistand inkluderer ikkje:

Stryking av klede
Reingjering av område over "skulderhøgd", eller av rom som ikkje er i bruk
Opplæring til hushald
Hagearbeid
Nedvask
Baking
Rydding og vasking etter friske pårørande eller besøkjande
Hjelp til kjæledyrhald.
Flytting av bossdunkar i fellesareal
Frakting av boss til bossfylling
Gjere i stand til høgtider
Flytting av møblar

Kva kostar det?

Det er eigenandel på heimehjelp/praksisk bistand. Dette er regulert etter inntekt i husstaden. Satsane er fastsett av kommunestyret:

Praktisk bistand: betalingssatsar
Allmenn inntekt pr år	Timesats pr mnd	Abonnement pr mnd	Merknadar
Inntil 2 G kr. 222 954	Ingen timesats	kr. 220	Sats for abonnement inntil 2 G, skjer etter dei til ei kvar tid gjeldande lover/føresegner som vert fastsett av Helse- og omsorgsdepartementet.
Frå 2 til 3 G - inntil kr. 334 431	kr. 238	kr. 1 343	Dei som mottek hjelp ytt etter §4-2 som ikkje gjeld eigenomsorg betalar kr 238 pr time til og med 5 timar. Frå og med 6 timar gjeld abonnement.
Frå 3 til 4 G - inntil kr. 445 908	kr. 264	kr. 2 005	Dei som mottek hjelp ytt etter §4-2 som ikkje gjeld eigenomsorg betalar kr 264 pr time til og med 7 timar. Frå og med 8 timar gjeld abonnement.
Frå 4 til 5 G - inntil kr. 557 385	kr. 291	kr. 2 676	Dei som mottek hjelp ytt etter §4-2 som ikkje gjeld eigenomsorg betalar kr 291 pr time til og med 9 timar. Frå og med 10 timar gjeld abonnement.
Over 5 G - over kr. 557 385	kr. 319	kr. 3 344	Dei som mottek hjelp ytt etter §4-2 som ikkje gjeld eigenomsorg betalar kr 319 pr time til og med 10 timar. Frå og med 11 timar gjeld abonnement.

Publisert 18.04.2016 11.32

Sist endra 09.03.2023 09.04