Kreftomsorg

Askvoll kommune har som mål at du som vert sjuk og dine pårørande skal verte ivaretekne på ein god måte, og oppnå best mogeleg livskvalitet. Kreftomsorga i kommunen skal derfor vere eit lågterskeltilbod, der du som ønskjer det kan ta kontakt tidleg i sjukdomsgangen.

Kreftkoordinator og ressurssjukepleiar

Askvoll kommune har eigen kreftkoordinator, og ressurssjukepleiarar med kompetanse om kreftomsorg.

Kreftkoordinator

Kreftkoordinatoren sine oppgåver er å:

Gje råd og rettleiing knytt til diagnose, behandling, rehabilitering og omsorg ved livets slutt.
Har tid til å lytte, og vere ein samtalepart som kan hjelpe å sortere tankar i ein vanskeleg situasjon
Vere eit bindeledd mellom pasient, fastlege, spesialisthelsetenesta og kommunen.
Vere ein støttespelar for born og unge som er råka av kreft, eller som er pårørande.
Informere om, og koordinere ulike tenester og tilbod innan kreftomsorg.
Koordinere og tilrettelegge kvardagen for den kreftsjuke og pårørande på best mogleg måte.

Kreftkoordinator held til på Sentrumsgården i Askvoll.
Kontortida er måndagar og torsdagar kl. 07.30 - 15.00.

Telefonnummer til kreftkoordinator: 459 75 809

Publisert 25.06.2015 11.52

Sist endra 03.10.2022 13.36