Askvoll frivilligsentral

Askvoll frivilligsentral er eit bindeledd mellom kommunen og frivilligheita.

Frivilligsentralen skal stimulere til frivillig innsats og at det er mangfaldige og opne møteplassar i kommunen. Frivilligsentralen er eit supplement til det frivillige organisasjonslivet i kommunen.

Frivilligsentralen samarbeidar og med andre etatar i kommunen om å løyse ulike utfordingar og leggje til rette for aktivitet og tilbod etter behov.

Askvoll kommune er eigar av sentralen via øyremerka tilskotet til kommunen. Sentralen vart oppretta i 1991. 

Oppgåver

• Synleggjere Frivillegsentralen som ein resurs og stimulere til frivillig arbeid.
• Administrerer aktivitetskalendaren/foreiningsportal.
• Utvikle møteplassar.
• Legge til rette for kulturtilbod.
• Samarbeide i høve integrering og inkludering.
• Administrere og drifte utstyrssentralen BUA (i samarbeid med folkehelsekoordinator).
• Ansvarleg for gratisbruksbutikken i Helsehuset.
• Administrere matombringing for heimebuande (i samarbeid med Askvoll Omsorgssenter).
• Ansvarleg for volontørtenesta.
• Administrere den Kulturelle spaserstokken.

Kontor på biblioteket i sentrum

Du finn oss i bibliotekslokala i gamle bankbygget i Askvoll sentrum (Askvollvegen 423).