Askvoll helsestasjon har tilbod om svangerskapsomsorg til alle kvinner som er busett eller oppheld seg i Askvoll kommune.
Jordmor er tilsett både ved Askvoll og Fjaler helsestasjon. Ho har kontordagar ved helsestasjonen i Askvoll kvar tysdag, torsdag og annakvar fredag.
Målsetting for svangerskapsomsorga:
Svangerskapsomsorga har som mål å gje familien eit best mogleg grunnlag for å meistre, og glede seg over svangerskapet og fødselen. Alle gravide i Askvoll kommune skal få forsvarleg medisinsk og psykososial oppfølging, slik at ein unngår komplikasjonar i svangerskapet og i barseltida. Gravide skal få tilbod om regelmessige kontrollundersøkingar i svangerskapet for å avdekke eventuelle avvik og komplikasjonar.
Helsestasjonens jordmorteneste tilbyr:
- Samtale, råd og rettleiing om tema innan helse, livsstil og graviditet
- Regelmessige svangerskapskontrollar hjå jordmor eller lege (7 - 9 kontrollar)
- Henvisning til rutineultralyd i svangerskapsveke 17 - 20 og elles ved behov
- Tilbod om fødselsførebuande gruppe/individuell samtale om fødsel på helsestasjonen
- Tilbod om heimebesøk etter fødselen av jordmor og/eller helsesøster
- Etter fødsel samtale (Post partum) med prevensjonsrettleiing hjå jordmor
- Samtale om svangerskapsavbrot
Jordmor er òg en del av tilbodet i helsestasjon for ungdom (HFU)