Her finn du eit godt utgangspunkt for opplevingar både på land og sjø, med korte avstandar mellom handel, servering, hamn og flotte turområde.
Handel og service
I Askvoll sentrum finn du det du treng for eit hyggeleg stopp langs kysten. Her er daglegvarebutikk, butikkar og ulike serviceverksemder som gjer det enkelt å handle inn til ferien eller få gjort nødvendige ærend.
I sentrum finn du mellom anna:
• daglegvarehandel
• lokalmat og delikatessevarer
• apotek og andre servicetilbod
• overnatting
For dei som ønskjer lokale smakar, er Askvoll Sjømat og Delikatesser AS eit populært stopp med sjømat og delikatessevarer.
Mat og drikke
Etter ein dag på fjorden eller fjellet kan du nyte eit godt måltid i sentrum.
Du kan mellom anna besøke:
• Askvoll Sjøbuer Mat Og Drikke – servering i maritime omgjevnader ved sjøen.
• Askvoll Sjømat og Delikatesser AS – lokalmat og delikatesser.
• Askvoll Fjordhotell – Restaurant i hjarta av Askvoll sentrum
Bubil og camping
Askvoll er eit godt stopp for deg som reiser med bubil. Ved sjøen finn du fine område der du kan nyte nærleiken til fjorden, ta ein dukkert, grille og slappe av. Askvoll Småbåtlag tilbyr gjestehamn og bubilplass på Øyra, med kort veg til sentrum og sjøen.
Gjestehamn og båtliv
Med plasseringa ved fjorden er Askvoll eit naturleg stopp for båtturistar. Sentrumshamna ligg sentralt til, og frå hamna er det kort veg til butikkar, servering og andre servicetilbod.
Askvoll er også eit godt utgangspunkt for turar vidare i kystlandskapet. Frå sentrum går det ferjer til mellom anna Atløy, Fure og Værlandet/Bulandet – eit øyrike med særpreg, historie og storslått natur.
Aktivitetar og naturopplevingar
Frå Askvoll sentrum er det kort veg til flotte turmoglegheiter. Du kan ta ein enkel rusletur, gå rundt Prestegarden eller leggje ut på fjellturar med vid utsikt over fjordlandskapet. I nærleiken finn du også gode fiskevatn og mange fine plassar for friluftsliv.
Askvoll sentrum er ein fin stad å stoppe – anten du kjem med bil, bubil, båt eller berre ønskjer å oppleve ein ekte kyststad med nærleik til natur, lokalmat og gode vertskap.