Heimehjelp (praktisk bistand)

Praktisk bistand er eit tilbod til deg som grunna sjukdom og nedsett helse treng praktisk hjelp for å greie daglege gjeremål i heimen.

Kva kan du få hjelp til?

Heimehjelp kan omfatte reingjering av rom som er i dagleg bruk, skifte av sengetøy, vask av klede i vaskemaskin, innkjøp av matvarer. Klarer du ikkje slike praktiske gjeremål kan du søkje om heimehjelp.

Korleis kan du søkje?

For å kunne søkje på tenesta må du bu eller opphalde deg i kommunen. Søknaden må være skriftleg. Omsorgskontoret handsamar søknaden fortløpande, og det blir i samband med dette gjort eit heimebesøk fo kartlegging av din livssituasjon. Du vil kome i kontakt med sakshandsamar innan tre veker.

Gå til søknadsskjema >

Dersom nokon hjelper deg med å fylle ut søknaden må du samstundes fylle ut ei Skriftleg fullmakt og levere den med søknaden (PDF, 28 kB)

Søknaden skal du sende til:

Askvoll kommune
v/Omsorgskontoret
Prestemarka 11
6980 Askvoll

Praktisk bistand inkluderer ikkje:

Stryking av klede
Reingjering av område over "skulderhøgd", eller av rom som ikkje er i bruk
Opplæring til hushald
Hagearbeid
Nedvask
Baking
Rydding og vasking etter friske pårørande eller besøkjande
Hjelp til kjæledyrhald.
Flytting av bossdunkar i fellesareal
Frakting av boss til bossfylling
Gjere i stand til høgtider
Flytting av møblar

Kva kostar det?

Det er eigenandel på heimehjelp/praksisk bistand. Dette er regulert etter inntekt i husstaden. Satsane er fastsett av kommunestyret:

Praktisk bistand: betalingssatsar
Allmenn inntekt pr år	Timesats pr mnd	Abonnement pr mnd	Merknadar
Inntil 2 G kr. 202 702	Ingen timesats	210	Sats for abonnement inntil 2 G, skjer etter dei til ei kvar tid gjeldande lover/føresegner som vert fastsett av Helse- og omsorgsdepartementet.
Frå 2 til 3 G - inntil kr. 304 053	227	1 278	Dei som mottek hjelp ytt etter §4-2 som ikkje gjeld eigenomsorg betalar kr 227 pr time til og med 5 timar. Frå og med 6 timar gjeld abonnement.
Frå 3 til 4 G - inntil kr. 405 404	252	1 909,-	Dei som mottek hjelp ytt etter §4-2 som ikkje gjeld eigenomsorg betalar kr 252 pr time til og med 7 timar. Frå og med 8 timar gjeld abonnement.
Frå 4 til 5 G - inntil kr. 506 755	277	2 548	Dei som mottek hjelp ytt etter §4-2 som ikkje gjeld eigenomsorg betalar kr 277 pr time til og med 9 timar. Frå og med 10 timar gjeld abonnement.
Over 5 G - over kr. 506 755	303	3 183	Dei som mottek hjelp ytt etter §4-2 som ikkje gjeld eigenomsorg betalar kr 303 pr time til og med 10 timar. Frå og med 11 timar gjeld abonnement.

Publisert18.04.2016 11.32

Sist endra07.01.2021 09.15

Koronaviruset i Askvoll kommune: