Byggesaksgebyr

Forskrift om gebyr for handsaming av byggesaker i Askvoll kommune

Vedteken av kommunestyret 17.12.2010 i sak K 056/10 med heimel i lov om planlegging og byggsaksbehandling § 33-1. Inga endring for 2020 jf. KOM-vedtak 063/18

1. Gebyret omfattar

Gebyret omfattar; sakshandsaming, godkjenning av ansvarsrett, første gongs førehandskonferanse, dokument kontroll, samt tilsyn (stikkprøver) i byggeperioden. Faktura vert sendt til tiltakshavar.

2. Betalingsplikt

Alle som får utført tenester etter dette regulativ skal betale gebyr. Gebyret vert sendt tiltakshavar.

3. Tidspunkt for avrekning av gebyr

Gebyret vert utrekna i høve til det regulativ som gjeld når fullstendig søknad i samsvar med dokumentasjonskrava i byggesaksforskrifta er komen inn til kommunen.

4. Tidspunkt for fakturering

Når vedtak i samband med søknad om rammeløyve vert gjeve, skal det fakturerast for 75 prosent av basis gebyr. Dei resterande 25 prosent vert fakturert etter at igangsettingsløyve vert gjeve. I tillegg kjem 10 prosent av basisgebyr per igangsettingsløyve utover det første. Gebyr for eventuelle dispensasjonar skal fakturerast når vedtaket er fatta. Beløp under kr. 3000,- skal ikkje delast. Gebyr for eit-trinnsøknad skal fakturerast etter at igangsettingsløyve er gjeve.

5. Elektronisk innsendt søknad

Alle byggesøknader som vert levert inn komplett via byggsøksystemet får ein reduksjon i basisgebyret på 10 prosent. For å bli rekna som komplett innlevert sak skal alle naudsynte vedlegg i saka følgje søknaden i byggsøk-systemet og vere i PDF-format.

6. Kombinerte bygningar

Har bygningen fleire funksjonar, vert gebyret rekna etter høgaste gebyrklasse.

7. Mellombelse bygningar

Ved mellombelse bygningar skal det betalast fullt gebyr etter den kategori bygget fell inn under.

8. Tiltak som kjem inn under fleire tiltaksklassar

Ved tiltak som kjem inn under fleire tiltaksklassar reknast gebyret etter høgaste tiltaksklasse.

9. Bruksendring

Ved bruksendringar der det ikkje vert gjort ombygging skal det betalast 25 prosent av basisgebyret. Ved bruksendring der det vert gjort ombygging, skal det betalast etter satsane for ombygging for den kategori bygget skal nyttast til.

10. Anna arbeid

For anna arbeid der det ikkje er faste gebyr og for arbeid som skal godkjennast etter medgått tid, skal det brukast ein timesats på kr 810,-.

11. Utvida kontroll.

Kommunen kan engasjere særskilt organ til kontroll av: prosjektering, utføring eller kontroll av statiske berekningar, ventilasjonsanlegg, branndokumentasjon m.m. Slik kontroll må tiltakshavar betale direkte til utførande etter medgåtte utgifter. Desse utgiftene kjem i tillegg til satsane i dette regulativet. 7

12. Avslag

Når vedtak på søknad medfører avslag skal det betalast 50 prosent av basisgebyr. Ved avslag på søknad om ansvarsrett og søknad om dispensasjon skal det betalast fullt gebyr.

13. Tilsyn

Gebyr for tilsyn i medhald av lova er innrekna med 12 prosent i betalingssatsane.

14. Tiltak som er ulovleg sett i gang

Dersom eit arbeid vert sett i gang utan at løyve er gitt eller at søknad er sendt inn, skal det på grunn av kommunen sine meirutgifter til sakshandsaming betalast dobbelt gebyr.

15. Urimeleg gebyr

Om storleiken på gebyret vert klart urimeleg i høve til det arbeid og dei kostnader kommunen har hatt med saka, eller gebyret er urimeleg av andre grunnar, kan kommunen fastsette passande gebyr. Regulativet kan berre fråvikast ved spesielle høve.

16. Høve til å klage

Gebyrfastsetting i den enkelte sak kan ikkje påklagast. Kommunen si avgjerd i søknad om reduksjon av gebyr kan påklagast etter reglane i forvaltningslova.

17. Meirverdiavgift

Det skal ikkje betalast meirverdiavgift i tillegg til gebyr for tenester etter gebyrregulativet med unntak av gebyr etter medgått tid.

18. Regulering av gebyrsatsane

Endring av gebyrsatsane i medhald av denne forskrifta vert fastsett av kommunestyret i samband med årleg budsjettvedtak. Justering skal skje med verknad frå 1. januar kvart år. Satsane skal avrundast til nærmaste kr 10,- 19. Satsar for byggesakshandsaming. Satsane for handsaming i byggesaker jfr § 20-1 plan- og bygningslova framgår av vedlagde tabell (på neste side)

Forklaring til tabellane: 

• Bygningskoder i matrikkelen står i parantes

• Pbl. = Plan- og bygningslova

• Tiltaksklassar: sjå byggesaksforskrifta

Bustader

Andre tiltak på bustad-, fritids- eller næringseigedom 

Andre nybygg

Industri- og lagerbygning

Kontor-, forretnings- eller andre næringsbygg 

Hotell- og restaurantbygg 

Bygg for offentlege og private tenester 

Bygg for jordbruk, fiske og fangst 

 Reviderte teikningar og tilleggssøknader (mindre endringar) 

Fornying av byggeløyve 

Riving 

Det skal bereknast gebyr tilsvarande 20 % basisgebyr for den enkelte bygningstypen og tiltaksklassen, men ikkje mindre enn 500, 

Dispensasjonssøknader

Utomhusplanar/opparbeiding

Førehandskonferanse 

Godkjenning av føretak for ansvarsrett 

Søknad om tiltak utan ansvarsrett etter § 20-2 i pbl.  

Brotsgebyr 

Vedteken av Askvoll kommunestyre 30.09.13 i sak KOM 091/13 med heimel i lov av 27.06.2008 nr. 71 om planlegging og byggesaksbehandling (plan- og bygningslova) §33-1. 

1. Føremål 

Forskrifta gjeld betaling for tenester som kommunen skal syte for vert utførte i medhald av plan- og bygningslova kap. 12 om reguleringsplanar og kap. 19 om dispensasjon. Gebyra skal dekke kommunen sine kostnader med tenesta (sjølvkostprinsipp). 

2. Betalingsplikt. 

Alle som får utført tenester etter denne forskrifta skal betale gebyr. Faktura vert sendt til tiltakshavar/forslagsstillar. 

3. Reguleringsplan 

For privat framlegg til reguleringsplan (detaljregulering), jfr. pbl. §12-3 og §12-11, og endring/oppheving av reguleringsplan, jfr. pbl. §12-14, 1. ledd, skal det betalast gebyr som følgjer: 

Kommunen fastset plantype/sats som skal nyttast i samsvar med definisjonane under. 

Enkel plan:

Planframlegg i samsvar med overordna plan, og med få og små uavklarte tilhøve og konfliktar iht. gjeldande plan(ar), natur, landskap, kulturminne, friluftsliv eller nabotilhøve. Mindre reguleringsplan, jfr. pbl §12-12, 2. ledd, går inn under dette. Endring av reguleringsplan der dei fleste avklaringar allereie er gjort i vedteken plan, og der hovudtrekka i planframlegget er som i vedteken plan, går òg under dette. Dersom endringsframlegget føreset avklaringar på lik line med handsaminga av ein ny plan, skal gebyrsatsen for vanleg plan nyttast. 

Vanleg plan: 

Planframlegg med ein del uavklarte tilhøve/konfliktar, ”gjennomsnittsplan” – gjennomsnittleg planfagleg/planteknisk vanskegrad. Planframlegg som ikkje går inn under ”enkel plan” eller ”komplisert plan” går inn under dette. 

Komplisert plan: 

Planframlegg som medfører krav om planprogram/konsekvensutgreiing, jfr. pbl §4-1 og §4-2, dvs. framlegg i strid med overordna regelverk, plan eller offentleg vedtak, planframlegg med mange samansette arealkonfliktar og behov for avklaringar. 

4. Mindre reguleringsendring 

For mindre endring av reguleringsplan, jfr. pbl. §12-14, 2. ledd, skal det betalast eit gebyr tilsvarande kr. 8 000. 

5. Forlenging av planvedtak 

For forlenging av planvedtak med inntil 2 år om gangen, jfr. pbl §12-4, skal det betalast eit gebyr tilsvarande kr. 4 000. 

6. Oppstartmøte/råd om regulering 

I saker der oppstartmøte vert halde, jfr. pbl §12-8, men det ikkje kjem inn planforslag til handsaming innan rimeleg tid, vert det fakturert kr. 4 000 for avholdt oppstartmøte mm. Med rimeleg tid vert rekna om lag eitt år frå kommunen har gjeve signal om at dei ikkje har merknader til at planarbeidet vert sett i gang. 

7. Dispensasjon 

Ved søknad om dispensasjon frå arealdelen av kommuneplanen/kommunedelplan eller frå reguleringsplan, jfr. pbl §19-2, og/eller frå 100m-beltet langs sjø og vassdrag, jfr. pbl §1-8, skal det betalast eit gebyr tilsvarande kr. 7 000. 

8. Tidspunkt for avrekning av gebyr

Gebyret vert fastsett i høve til dei satsane som gjeld på det tidspunktet fullstendig planforslag/søknad i samsvar med dokumentasjonskrav i lov og forskrifter er motteke av kommunen. Ved avbroten plansak/dispensasjonssak, jfr. pkt. 10, vert gebyret fastsett etter dei satsane som gjeld på det tidspunktet saka vert avslutta. 

9. Tidspunkt for fakturering 

Gebyr for private framlegg til reguleringsplan eller endring av slik plan, skal fakturerast etter førstegongshandsaming i kommunen, jfr. pbl §12-11. Plansaka vert ikkje teke opp til handsaming etter offentleg ettersyn (andregongshandsaming), jfr. pbl §12-12, før gebyret er innbetalt. Gebyr for mindre endringar av reguleringsplan, for forlenging av planvedtak med inntil 2 år om gangen, og for søknad om dispensasjon, skal fakturerast når vedtaket er fatta, jfr. pbl §12-14, 2. ledd, §12-4 og §19-2. 

10. Avbroten plansak/dispensasjonssak 

Gebyr skal avreknast som del av fullt gebyr i høve til det tidspunktet saka vert avbroten/trekt. Kommunen fastset eit passande gebyr tilsvarande det arbeidet/kostnadene kommunen har hatt. Jfr. òg pkt. 6 om fakturering for avholdt oppstartmøte, der kommunen ikkje mottek planframlegg i rimeleg tid. 

11. Avslag 

Når kommunen avviser eit planframlegg eller gjev avslag på søknad om dispensasjon skal det betalast fullt gebyr. 

12. Urimeleg gebyr

Om storleiken på gebyret vert klart urimeleg i høve til det arbeidet og dei kostnadene kommunen har hatt med saka, eller gebyret er urimeleg av andre grunnar, kan kommunen fastsette passande gebyr. Regulativet kan berre fråvikast ved spesielle høve.  

13. Høve til å klage 

Gebyrfastsetting i den enkelte sak kan ikkje påklagast, då dette berre er ei oppfølging av regulativet. Kommunen si avgjerd om fastsetting av passande gebyr, jfr. pkt. 12 om urimeleg gebyr, kan påklagast etter reglane i forvaltningslova (enkeltvedtak). 

14. Meirverdiavgift 

Det skal ikkje betalast meirverdiavgift i tillegg til gebyr for tenester etter gebyrregulativet. 

15. Regulering av gebyrsatsane

Endring av gebyrsatsane i medhald av denne forskrifta vert fastsett av kommunestyret i samband med årleg budsjettvedtak. Justering skal skje med verknad frå 1. januar kvart år. Satsane skal avrundast til næraste kr. 10. 

16. Ikraftsetting. 

Forskrifta tek til å gjelde frå 1. november 2013

Forskrifta vart vedtatt i kommunestyret 19.04.2010 i sak K10/10, og vart gjeldande frå  01.05.2010. Gebyr for arbeid etter matrikkellova, med heimel i matrikkellova § 32 og matrikkelforskrifta § 16, vert fastsett slik: 

1. Oppretting av matrikkeleining

1.1 oppretting av grunneigedom

1.2 Matrikulering av eksisterande umatrikulert grunn

1.3 Oppmåling av uteareal på eigarseksjon

1.4 Oppretting av anleggseigedom

1.5 Registrering av jordsameige

2 Opprettting av matrikkeleining utan fullført oppmålingsforretning

3. Grensejustering

3.1 Grunneigedom, festegrunn og jordsameige

3.2 Anleggseigedom

4. Arealoverføring

4.1 Grunneigedom, festegrunn og jordsameige

5. Klarlegging av eksisterande grense der grensa tidlegare er koordinatbestemt ved oppmålingsforretning

6. Klarlegging av eksisterande grense der grensa ikkje tidlegare er koordinatbestemt ved oppmålingsforretning eller klarlegging av rettar

7. Privat grenseavtale

8. Timepris for medgått tid

Gebyr for oppmålingsarbeid som ikkje kan fastsettast ut frå satsane over skal reknast ut etter medgått tid. timepris kr 943.
 

9. Urimeleg gebyr

Dersom gebyret openbart er urimeleg i forhold til dei prinsipp som er lagt til grunn, og det arbeidet og dei kostnadane kommunen har hatt, kan rådmannen eller den han/ho har gjeve fullmakt, av eige tiltak fastsetje eit passande gebyr. Fullmaktshavar kan under same føresetnader og med bakgrunn i grunngjeve søknad frå den som har fått krav om betaling av gebyr, fastsetje eit redusert gebyr.
 

10. Betalingstidspunkt

Gebyret skal krevjast inn forskotsvis.
 

11. Forandring i grunnlaget for matrikkelføring av saka

Dersom rekvirenten i løpet av saka gjer endringar i grunnlaget for matrikkelføringa av saka, vert gebyret oppretthalde.
 

12. Utskriving av matrikkelbrev

13. Tidsfrist for gjennomføring av saker

Dersom kommunen ikkje held fristen for oppmålingsforretning eller matrikkelføring, skal gebyret avkortast etter reglene i §§ 18 og 19 i forskrift om eigedomsregistrering. Avkortning av gebyr gjeld ikkje for utskriving av matrikkelbrev, jamfør 4. ledd. Dersom kommunen krev forskotsbetaling, skal avkorta gebyr tilbakebetalast så snart fristane er utgått. Fristane gjeld ikkje i perioden 15. desember til 15. mars i Askvoll kommune.
 

14. Betalingsvilkår

• Betaling skjer etter det regulativ som gjeld på rekvisisjonstidspunktet. Dersom den som rekvirerer ynskjer å utsetje oppmålingsforretninga, vert gebyr rekna etter satsane det året oppmålinga blir gjort.

• Tinglysingsgebyr og eventuelle dokumentavgifter etter gjeldande sats blir lagt til gebyret.

• Meirverdiavgift vert ikkje rekna ved oppkrevjing av gebyra (jamfør skattedirektørens rundskriv av 6. mars 1970 til skatteinspektørane).

• Gebyrregulativet blir indeksregulert automatisk kvart år i samsvar med Statens kartverk sin indeks for kart-og oppmålingsarbeider, første gang 01.01.2011. Unntaket er gebyr etter punkt 12 som vert regulert av Statens kartverk.