Pris for barnehageplass i Askvoll kommune
Foreldrebetalinga er månadleg i 11 månader. Juli er betalingsfri månad.
Prisar i 2024
Søskenmoderasjon 30 % for barn nummer to. Frå 01.08.2023 er barnehageplassen for barn nummer tre gratis. Dette gjeld også for familiar som har fleire enn tre barn i barnehagen.
Dagsats for kjøp av ekstra dag (uansett tal timar) kr 255 pr dag
Gebyr ved for seint henta barn kr. 158 pr påbegynt halvtime etter ordinær stengetid.
I alle barnehagane kjem matpengar og/eller frukt- og mjølkepengar i tillegg.
Har du låg inntekt kan du få lågare pris
Det er to moderasjonsordningar for familiar med låg inntekt:
- Du kan få redusert pris dersom maksprisen er høgare enn 6 % av den samla inntekta til hushaldninga,
Gratis kjernetid (20 timar pr. veke) gjeld for 2, 3, 4 og 5-åringane i familiar med samla årsinntekt under 615.590 kroner.
Du finn meir informasjon om reduksjon i foreldrebetaling på utdanningsdirektoratet si heimeside.
Slik søkjer du
Du må sende ein søknad til kommunen for å få redusert pris og/eller gratis kjernetid grunn av låg inntekt.
Du må legge ved kopi av siste skattemelding/sjølvmelding, eller annan dokumentasjon av inntekt. Det er viktig at du sender med dokumentasjon på all inntekt. Manglar det dokumentasjon vil ikkje søknaden bli behandla.
Søknadsfrist for redusert foreldrebetaling/gratis kjernetid er 01.06. for kommande barnehageår. Søknadene blir behandla fortløpande. Det kan søkast gjennom heile året. Blir det søkt etter 01.august gjeld vedtaket frå første heile månad etter søknadstidspunktet. Det må søkast på nytt for kvart barnehageår.
Du søkjer elektronisk via Visma Flyt Barnehage sin føresettportal (same plass som du søkjer om barnehageplass)
Logg inn i Visma Flyt Barnehage
Du kan klage om du ikkje får redusert pris
Du har rett til å klage. Klagefristen er tre veker etter at du har fått vedtaket. Ei eventuell klage må vere skriftleg. Du sender klagen til Askvoll kommune, Askvollvegen 426A, 6980 Askvoll. Klageutvalet er klageinstans.