Kva er HAFS regionråd?
HAFS regionråd er eit politisk samarbeidsorgan for kommunane Hyllestad, Askvoll, Fjaler og Solund, og er kommunane sitt felles ansikt utad. Formålet til regionrådet er å utgreie og løyse viktige og strategiske saker av felles interesse i regionen. Rådet skal ivareta interessene til regionen ovanfor fylket, stat og andre organ på regions-, fylke- og riksplan.
Satsingsområde i regionen
Saker som HAFS regionrådet ser på som viktige i vår region er m.a. utvikle og profilere gode bu- og arbeidsområde, skuleutvikling, arrangere felles rekruteringsmesse, reiseliv, kommunikasjon og næringsutvikling. Eit aktuelt døme på det siste er industriutbygginga på Lutelandet.
Deltakarane i regionrådet
Regionrådet består av ordførarar og rådmenn i medlemskommunane. Leiarvervet går på omgang, og for tida er det ordførar i Fjaler kommune, Gunhild Berge Stang som er leiar for regionrådet.
Kontaktinformasjon
HAFS regionråd
6963 Dale
tlf. 915 89 681
e-post: per.arne.tveit@fjaler.kommune.no